Kalaja e Petrelës

111.jpg
111.jpg
aaa.jpg
Kalaja e Petrelës, Rruga Petreles, Petrelë 1034, Albania
Rruga Petreles Petrelë Qarku i Tiranës 1034 AL

Kalaja e Petrelës ndodhet në një kodër shkëmbore në lartësinë 400 m mbi nivelin e detit, me shpate të thepisura, të cilat e kanë bërë atë shumë të mbrojtur. Që nga lashtësia, kjo kala kontrollonte kryqëzimin e rrugëve me rëndësi ekonomike dhe ushtarake të cilat kalonin pranë saj, si rruga Egnatia (dega Durrës-Tiranë- Elbasan), e cila për kohën kishte rëndësi të veçantë.  Ndërtimet i përkasin periudhave të ndryshme,të cilat duke u nisur nga teknika e ndërtimit dhe mbivendosja ndahen në disa faza. Kjo kala ka formë trekëndore dhe perimetri i saj nuk i kalon 100 metra. Në dy qoshe ka kulla rrethore, ndërsa në të tretën , për arsye të shkëmbit të thepisur, nuk është ndërtuar kullë.

Kalaja e Petrelës ka kaluar nëpërmjet disa periudhash ndërtimi e rrënimi. Mendohet se është ndërtuar në  periudhën e vonë antike, (shekulli III-IV pas Krishtit) dhe është rindërtuar sërish gjatë sundimit të Perandorit Bizantin Justiniani I (527 – 565). Ajo mori një rëndësi të veçantë në shek. XI, në luftimet ndërmjet normanëve dhe bizantinëve.  Në fillim të shek. XIV i përkiste familjes feudale të Topiajve që në atë kohë ishin zotërues të territorit midis lumit Mat e Shkumbin. Në shekullin e XV, Petrela ishte Kështjella e parë pas Krujës, e cila u rrethua dhe u çlirua nga Skënderbeu. Kalaja e Petrelës ishte një nga qendrat që u bënë ballë pushtimit Osman, deri në vitet e fundit të jetës së Skënderbeut.

Adresa: Fshati Petrelë, Rruga nacionale Tiranë- Elbasan, km 15