Tirana ecën, vrapon

“Ec, Vrapo dhe Pedalo” është një aktivitet i krijuar nga Drejtoria e Sporteve/Drejtoria e Përgjithshme e Promovimit të Qytetit, Bashkia Tiranë.
Nëpërmjet këtij aktiviteti i ftojmë të gjithë qytetarët të regjistrohen për të qenë pjesë e këtyre garava virtuale, të zhvilluara individualisht në natyrë. Është mënyra më e mirë për të krijuar një jetesë të shëndetshme kombinuar me elementin e garës duke sfiduar njëri-tjetrin për të bërë sa me shumë kilometra, ku në cdo moment mund të krahasoni rezultatet tuaja live dhe në fund të cdo muaji do shpallet edhe një fitues per secilën kategori: ecje, vrap dhe pedalim. Ky program konsiston në matjen e kilometrave me anë të aplikacionit Strava ku janë krijuar dhe dy klube, përkatësisht ‘’Ec, vrapo në Tiranë’’ dhe ‘’Pedalo në Tiranë’’ ku secili qytetar që dëshiron të jetë pjesë e programit duhet të regjistrohet dhe të bëhet pjesë e klubit. Programi do të finalizohet në fund të cdo muaji me ndarje cmimesh për qytetarët që pershkuan me shume kilometra dhe i dhanë më shumë dashuri qytetit.

Për të marrë pjesë në konkursin e vrapimit në Tiranë klikoni në linkun më poshtë dhe regjistrohuni në platformën Strava: https://www.strava.com/clubs/842416