Investo në Tiranë

Tirana, kryeqyteti i Shqipërisë është një qytet shumëngjyrësh që po lulëzon me hapa të mëdhenj. Ka 863,694 banorë dhe një moshë mesatare 36.6 vjeç (Open Data Tirana, 2021). Ekonomia e Zonës Metropolitane të Tiranës përfiton ndjeshëm nga përqendrimi i universiteteve dhe shkollave më të mëdha të të gjitha niveleve dhe llojeve në vend si dhe instituteve të shumta kërkimore e shkencore.

Tirana ka një popullsi të arsimuar, ku shumë qytetarë kanë punuar në vende të tjera të Evropës për një periudhë kohe. Për më tepër, Tirana karakterizohet nga një kapital njerëzor konkurrues. Në vitin 2020 sipas INSTAT, në qarkun e Tiranës, 66,3% e totalit të të punësuarve ishin në sektorin e shërbimeve, 26,3% e totalit të të punësuarve ishin në sektorin e prodhimit dhe 7,3% e totalit të të punësuarve ishin në sektorin e bujqësisë.

Investo në Tiranë ofron një panoramë të gjerë të ekonomisë dhe të bërit biznes në Tiranë, përfshirë stimujt dhe lehtësirat e ofruara nga kuadri ligjor i Shqipërisë. Në këtë dokument gjeni informacione dhe të dhëna për Tiranën.

Shkarko: Investo në Tiranë