Shpërndaje
Rreth njësisë
Njësia Administrative Nr. 8-të është e përfshirë në administrimin e Bashkisë Tiranë. Kjo Njësi ndodhet 110 m mbi nivelin e detit dhe zë një pjesë të kosiderueshme të Tiranës së vjetër. Shtrirja e saj është nga qëndra deri në periferi me kufirin si më poshtë:
- Veri me lumin e Tiranës
- Jug me Rr.”Qemal Stafa”
- Lindje me Rr.”5 Maji”dhe unazën (Rr.”Bardhyl” dhe Rr.”Gogo Nushi”)
- Perëndim me Rr. “Siri Kodra” dhe Rr. e ”Dibrës”
Sipërfaqja e territorit të kësaj njësie është 1.75 km². Popullsia e rregjistruar deri në muajin Janar të 2018 është 41421 banorë dhe 14751 familje.
Si një nga njësitë që shtrihet në pjesën më të madhe në Tiranën autoktone është e populluar nga fiset më të vjetra të Tiranës të cilët kanë dhënë kontributin e tyre shekullorë në zhvillimin ekonomik e kulturorë të Njësisë dhe Tiranës në përgjithësi, ku mund të përmëndim midis të tjerave familjet: Karapici, Tafaj, Luga, Mara, Maçi, Begaj, Vorpsi, Fagu, Ndroqi, Sallaku, Rada. Alimehmeti, Balluku, Qosja, Bardhoshi, Karaj, Saraçi, Tabaku, Myderizi, Preza, Vaqarri, Alla, Kallushi, Beshiri, Hallulli, Kashari, Gjashta, Qordja, Kusi, Katroshi, Qefalia, Mneri, Herri, Toska, etj.
Në territorin e kësaj njësie, mirëkuptimi, bashkëjetesa dhe toleranca fetare tregohet edhe nëpërmjet kulteve fetare të ngritura në këtë Njësi. Mund të përmëndim Kishën Katolike në Rr. ''Ali Pashë Gucia'', Xhaminë e Bërxollit, Xhaminë e Zajmit, Istitucionin e vetëm teologjik Medresja “Haxhi Mahmut Dashi” e para në Shqipëri.
Në Njësinë Administrative Nr. 8 ndodhen dy nga qëndrat tregtare më të mëdha në Tiranë.
- Tregu i madh ushqimor dhe fruta-perime në Ish Uzinën” Dinamo”
- Qëndra industriale në bllokun e magazinave të ish N.T.I
Istitucionet Arsimore
- Kopshti “Hap pas Hapi”(ish kopshti 16) rruga e “Dibrës” i rikostruktuar
- Kopshti nr. 35 në rrugen ''4 Dëshmorët'' i rikostruktuar
- Kopshti nr. 19 në rrugën “Qemal Stafa” rikostruktuar
- Shkolla 9- vjeçare “Shkolla e Kuqe” në rrugën “Qemal Stafa” rikostruktuar
- Shkolla 9-vjeçare “Misto Mame” në rrugën e “Dibrës”
- Shkolla 9-vjecare “Skender Caci”ne rrugën e “Dibrës”
- Shkolla 9-vjeçare “Siri Kodra” në rrugën e “Dibrës”
- Shkolla e mesme e përgjithshme “Partizani” në rrugën “Tafaj”
Institucione kombëtare
- Istituti i nxënësve që nuk dëgjojnë në rrugën e “Dibrës”
- Istituti i nxënësve që nuk shikojnë. në rrugën e “Dibrës”
Istitucionet Kulturore
Bibloteka e cila është hapur në vitin 1963 në rrugen “Ali Pashë Gucia” aktualisht ndodhet në rrugën “Thanas Ziko”. Kjo bibliotekë disponon 15 000 tituj librash.
Institucione Shëndetësore
Istitucione shëndetësore publike
- Poliklinika Qëndrore në rrugën “Qemal Stafa”
- Poliklinika Nr-3 në rrugën “Siri Kodra”
Istitucione shëndetësore jopublike
Qëndra diagnostike ortodokse “Evangjelisimos” në rrugen e “Dibrës” hapur në vitin 1999
Rrjeti rrugor
Territori i kësaj njësie përshkrohet nga 26 rrugë me një gjatësi prej 12130 m. Rrugë të kategorisë së parë janë 9 ndërsa 17 te tjera janë të kategorisë së dytë.
Janë bërë riparime të pjesëshme në rrugët: ''4 Dëshmorët'', ''Dibrës'' dhe ''Ferit Xhajko'' duke mbyllur gropat dhe pastruar pusetat e ujërave të bardha .
Gjatë vitit 2002-2003 në rruget:
''Ali Pashe Gucia'': me gajtësi 428 m, ''Thanas Ziko'' me gjatësi 542m dhe ''Gjon Buzuku'' me gjatësi 334 m, të tria rrugët e kategorisë së parë është bërë rikostruksion dhe shtrim i plotë me asfalt pasi u bë azhornimi për sistemimin e ujërave të zeza dhe ujit të pijshem, duke mbyllur çdo rrjedhje të mundëshme të tyre.
Në rrugët ''Dervish Hekali'' me gjatësi 540 m dhe ''Riza Cerova'' me gjatësi 670 m, të dyja rrugët e kategorisë së dytë janë bërë azhornimet për sistemimin e ujit të pijshem dhe rrjetit të kanalizimeve të ujerave të zeza.
Në rrugën ''5 Maji'' me gjatësi 1024 m është bërë rionstruksioni i plotë i infrastrukturës nëntokësore dhe mbitokësore. është punuar për heqjen e ndriçuesve ekzistues, shtrimin e tubacioneve nëntokësore plastike si dhe të kabllove deri në kabina, shtrimin e tubacioneve nëntokësore metalike për inspektimin e rrugëve, vendosjen e pusetave plastike në trotuare. është punuar për kthimin e trotuareve në gjëndien e mëparëshme riparimin dhe ndërtimin e disa pusetave të reja elektrike me kapak betoni dhe metalike, vendosjen e shtyllave të reja 8-këndore me morseti hermetike për secilën shtyllë dhe telat zbritës. është punuar për monitorimin e ndriçuesve të lartë si dhe për monitorimin e kuadrove të komandimit me sautera me fotoelemente në kabina. është punuar për kompletimin me shtylla betoni aty ku mungonin.
Rrjeti tregëtar
Në territorin e Njësisë Administrative Nr. 8 ushtrojnë aktivitetet e tyre private mbi 1223 subjekte fizike ose juridike. Në këtë numër nuk janë tëe përfshirë tregëtarët ambulant.
Mbizotëron një rrjet i dendur me dyqane, resorante, hotele ku janë të punësuar qindraqytetarë, kryesisht gra dhe vajza.
Një numër të konsiderueshëm të sherbimeve e zënë ato shëndetësore si farmaci, klinika shëndetësore, labratore analizash, klinika stomatologjike tje.
Në rr. ''Siri Kodra'' në rrugën e quajtur ish blloku i magazinave në një sipërfaqe prej 82500 m² është përqëndruar një numër i madh firmash prodhuese dhe tregetare, duke e kthyer këtë zonë në një nga qëndrat më të mëdha industriale dhe tregëtare të qytetit të Tiranës.
Në vitin 2001 specialistët e Njësisë në bashkëpunim me personelin inxhinjero-teknik të Dinamo sh.a përgatitën projektin për ngritjen e tregut industrialo-ushqimor të shitjes me shumicë e pakicë në territorin e ish uzinës ''Dinamo'' që zë një sipërfaqe prej 46300m². Në këtë treg sot ushtrojnë aktivitetin e tyre mbi 600 tregëtarë.
Në territorin e Njësië Administrative Nr. 8 ndodhen 6 firma rrobaqepsie, 2 firma këpucësh ku janë të punësuar mesatarisht reth 150 deri 200 gra dhe vajza.
Shpërndaje