Shpërndaje
Si të aplikoni online për një vend të lirë pune në Bashkinë e Tiranës
Punësimi në Institucionin e Bashkisë së Tiranës realizohet në mbështetje të Ligjit nr.152/2013, “Për nëpunësin civil”( i ndryshuar), si dhe aktet nënligjore në zbatim të tij, nëpermjet konkurrimit të hapur, mbi bazën e kritereve te caktuara. Me poshtë gjeni mënyrën e aplikimit për të qënë kandidat potencial për pjesmarrje në konkurrim.
Njësia e Burimeve Njerëzore e Bashkisë Tiranë, publikon çdo pozicion vakant konform legjislacionit në fuqi, në faqen zyrtare të saj, https://tirana.al/. Cilido që plotëson kriteret referuar shpalljes, mund të aplikojë, duke ngarkuar të gjitha dokumentat në sistemin online. Ju mund të aplikoni për pranim në shërbimin civil, për lëvizje paralele në kategorine ekzekutive dhe kategorine e ulët dhe te mesme drejtuese, për ngritje në detyrë në kategorine e ulët dhe të mesme drejtuese apo pranim në kategorinë e ulët dhe të mesme drejtuese nga jashte shërbimit civil.
Dokumentat që duhen për të aplikuar në Bashkinë e Tiranës për një vend të lirë pune , të cilat ngarkohen online janë:
- Jetëshkrimi (CV)
- Fotokopje e diplomës
- Fotokopje e librezës së punës (të gjitha faqet që vërtetojnë eksperiencën në punë)
- Fotokopje e leternjoftimit (ID)
- Vërtetim të gjendjes shëndetësore
- Vetëdeklarim të gjendjes gjyqësore apo Dëshminë e penalitetit.
- Vlerësimin e fundit nga eprori direkt (Vlen për aplikantet që gëzojnë status të nëpunësit civil për lëvizje paralele apo ngritje në detyrë)
- Vërtetim nga Institucioni ku ka punuar më parë apo punon, që nuk ka masë displinore në fuqi dy vitet e fundit (Vlen për aplikantet që gëzojnë status të nepunësit civil për lëvizje paralele apo ngritje në detyrë)
- Çdo dokumentacion tjetër që vërteton dokumentat e përmendura në jetëshkrimin tuaj (Trajnime, kualifikime, dëshmi të gjuhëve të huaja, etj.)
Të gjitha dokementat duhet të jenë vetëm në formatin PDF.
Apliko brenda afatit dhe sipas llojit të diplomës që përputhet me arsimimin tuaj.
Çdo kandidat, mund të aplikojë në çdo pozicion vakant me të cilin i përputhet lloji i arsimit dhe niveli i diplomës që zotëron me ato të shpalljes në faqen zyrtare http://lgu.dap.gov.al/?lguid=50, të Bashkisë Tiranë. Vetëm aplikantet të cilët plotësojnë kushtet dhe kërkesat e përgjithshme dhe të posaçme të procedurës për plotësimin e vendit vakant, do të vazhdojnë procesin e rekrutimit, të tjerët do të s'kualifikohen menjëherë.
Si të aplikoni?
Çdo aplikant, pasi është futur në linkun http://lgu.dap.gov.al/?lguid=50 duhet të regjistrohet dhe të krijojë profilin e tij duke klikuar në butonin Rregjistrohu/Profili (Rregjistro një llogari).
Fig.1 Shtypni mousin tek Rregjistrohuni/Profili
Fig.2 Klikoni Rregjistro një llogari
Në dritaren që hapet vendosni adresën tuaj të e-mailit, fjalëkalimin tuaj personal dhe konfirmo fjalëkalimin. Kliko butonin RREGJISTROHU.
Në adresën tuaj elektronike menjëherë do t’ju vijë një e-mail Aktivizim llogarie. Pasi të hapni e-mailin, ju duhet të klikoni butonin Link për aktivizim.
Në dritaren e re të hapur duhet të vendosni adresën tuaj të emailit dhe fjalëkalimin me të cilin u rregjistruat në fillim (te Rregjistro një llogari). Shtypni butonin HYRJE.
Në dritaren që do t’ju hapet duhet të plotësoni me kujdes çdo fushë. Pasi krijoni profilin, i cili do jetë i njëjti për të gjitha aplikimet e tjera në vijim nëse dëshironi, ngarkoni të gjitha dokumentat që kërkohen në sistem. Për ti dalluar që dokumentet janë ngarkuar me sukses, fusha e secilës prej tyre bëhet ngjyrë blu. Të gjitha dokumentat duhet të jenë vetëm në formatin PDF për tu ngarkuar. Profili personal hapet vetëm një herë dhe në vazhdimësi mund të shtoni apo të ndryshoni çdo informacion.
Fig. 4 Plotësoni të gjitha fushat e kërkuara duke ngarkuar dokumentat e skanuara në PDF
Kujdes! Sigurohuni që të ngarkoni të gjitha dokumentet që ju kërkohen.
Pasi profili juaj është krijuar i plotë dhe janë ngarkuar të gjitha dokumentat, duhet të ktheheni në faqen zyrtare http://lgu.dap.gov.al/?lguid=50.
Në listën me vende vakante, zgjidhni shpalljen për të cilën doni të aplikoni. Klikoni mbi shpalljen e zgjedhur e cila do të hapet si më poshtë.
Fig. 5 Futuni në shpalljen që dëshironi, selektoni njërin nga opsionet: pranim në shërbimin civil, levizje paralele ose ngritje ne detyre sipas rastit tuaj dhe në fund shtypni butonin APLIKONI
Zgjidhni njërin nga opsionet pranim në shërbimin civil, lëvizje paralele apo ngritje në detyre dhe klikoni butonin e kuq APLIKONI.
Në adresën tuaj elektronike do t’ju vijë një e-mail, i cili do t’ju njoftojë që aplikimi juaj u krye me sukses si dhe të dhëna lidhur me shpalljen për të cilën keni aplikuar.
Suksese!
Shpërndaje